Mass-media fondi Vasiylik kengashi raisi Komil Allamjonov bugun TikTok kompaniyasining vitse-prezidenti doktor Teo Bertram va kompaniyaning mas’ul xodimlari bilan onlayn uchrashuv o‘tkazdi. Bu haqda Allamjonov o‘zining Telegram-sahifasida yozmoqda.
Uchrashuvda o‘zaro hamkorlik masalalarini muhokama qilingan. Allamjonov TikTok vakillariga tarmoqning ichki normalari va ayrim tartib-qoidalarini ko‘rib chiqish, uni O‘zbekiston qadriyatlari, urf-odatlar va mentalitetiga moslash bo‘yicha takliflar bergan.
"Ular tomonidan bu taklif albatta inobatga olinishi, bu borada hamkorlik, shu bilan birga o‘zbek tilini ham kiritishga tayyor ekanliklari ma’lum qildi.
TikTok — zararli bo‘lsa uni foydali resursga aylantirish lozim. Shu va bunga o‘xshash kompaniyalar faoliyatini cheklash emas, balki ular bilan yaqindan muloqot, hamkorlik o‘rnatgan holda ishlash hamma uchun ko‘proq manfaatli va to‘g‘riroq bo‘ladi deb o‘ylayman", - yozadi Komil Allamjonov.