16 avgust kuni Navoiy viloyati, Qiziltepa tumanida joylashgan To‘dako‘l suv omborida "Silk Road Family Resort" sayyohlik plyaj zonasining rasmiy ochilish marosimi o‘tkaziladi. Bu haqda Turizmni rivojlantirish davlat qo‘mitasi matbuot xizmati xabar bermoqda.
Loyihaga ko‘ra, plyaj dam olish sog‘lomlashtirish maskani va akvaparkning umumiy qiymati 6 mln dollarni tashkil etadi.
Shuningdek, ushbu sayyohlik ob’yekti plyaj, basseyn, akvapark, kichik «Disneyland», 50 o‘ringa mo‘ljallangan mehmonxona, dam olish tapchanlari, restoran, yozgi terassa, SPA-salon, tabiat qo‘ynidagi o‘yingoh, tibbiyot burchagi, sog‘lomlashtirish maskani, sport maydoni, avtoturargoh va maxsus suv transportlari kabi turli qo‘shimcha xizmatlarni ham o‘z ichiga oladi.