26 aprel kuni Tojikistondan Iroqqa qarab yo‘lga chiqqan yuk mashinalari Toshkent viloyati "Oybek" o‘simliklar karantini chegara maskanida to‘xtatib qo‘yilgan.
Avtotransportlar Tojikistondan quruq mevalar olib ketayotgan edi.
Chegara maskanida to‘xtatilishining sababi mazkur avtotransportlarda O‘zbekiston Respublikasi hududidan tranzit olib o‘tish uchun karantin inspeksiyasi tomonidan beriladigan karantin ruxsatnomasi yo‘q bo‘lgan.
O‘simliklar karantini davlat inspeksiyasining matbuot kotibi Durdona Ochilovaning ma’lum qilishicha, karantin ruxsatnomasi 20 daqiqa ichida rasmiylashtirib berilgan.
"Avvallari bunday ruxsatnomalar olish uchun berilgan murojaatlar 30 kun davomida ko‘rib chiqilgan bo‘lsa, hozirda 3 kun ichida "O‘zdavkarantin" inspeksiyasi karantin ruxsatnomasi rasmiylashtirib beradi", - deydi matbuot kotibasi.