“Biz qo‘shni davlatlarda tinchlik, barqarorlik, do‘stlik va hamkorlik muhitida yashashimiz uchun qo‘shni davlatlarda tinchlik va barqarorlikni qo‘llab-quvvatlaymiz”, — deydi Tojikiston Prezidenti Imomali Rahmon bugun bo‘lib o‘tgan harbiy paradda so‘zlar ekan.
Shu bilan birga, u Tojikiston o‘z qurolli kuchlarini qo‘shni davlatlarga qarshi ishlatmasligini qat’iy ta’kidladi.
“Afg‘oniston bizning eng yaqin qo‘shnimiz, biz bilan umumiy til, din va madaniyatga ega do‘stona mamlakat. Shu munosabat bilan biz uning xalqi taqdiriga befarq emasmiz. Shuning uchun men Afg‘oniston masalasini o‘nlab marta eng nufuzli xalqaro va mintaqaviy tashkilotlar minbarlarida ko‘targanman.
Afg‘oniston va Tolibon hukumati sulh to‘g‘risida kelisha olmayapti.
Men yana bir bor ta’kidlashni istardimki, afg‘on mojarosida harbiy yechim yo‘q, bu mamlakat muammolari faqat tinch yo‘l bilan hal qilinishi kerak", — dedi Imomali Rahmon. Bu haqda “Aziya-Plyus" xabar bermoqda.
Uning so‘zlariga ko‘ra, barcha suveren mamlakatlarda, shu jumladan Afg‘onistonda ham boshqaruv uslubi va davlat tuzilishi faqat ko‘pchilik odamlarning iltimosiga va uning fuqrollari irodasiga binoan belgilanishi va o‘rnatilishi kerak.
“Ammo, afsuski, so‘nggi bir necha o‘n yilliklar ichida yuzlab va minglab taniqli olimlar, shoirlar, yozuvchilar va tajribali siyosatchilarga ega bo‘lgan bunday madaniyatli xalq geosiyosiy o‘yinlarning qurboniga aylandi. Shu sababli, ushbu mamlakat siyosatchilari, barcha siyosiy partiyalar va harakatlar rahbarlari, ziyolilar, hokimiyat arboblari va barcha odamlar birlashib, o‘z vatani, davlati va millatini beqarorlik va yemirilishdan qutqaradigan vaqt keldi”, - dedi Tojikiston Prezidenti.
Bundan tashqari, Imomali Rahmonning so‘zlariga ko‘ra, yuqori lavozimlarni egallash uchun xalqni fitna va mojarolarga tortish - bu fojiali va xavfli oqibatlarga olib keladigan umidsiz biznesdir.
“Men bu so‘zlarni Tojikiston xalqining 90 yillarning achchiq tajribasiga asoslanib aytmoqdaman, chunki mamlakatimizda fuqarolar urushining asosiy sabablaridan biri aynan yuqori lavozimlarga erishish uchun qilingan harakatlar edi”, - deydi prezident.
Shu bilan birga, u Afg‘onistonning marhum prezidenti Burhonuddin Rabboniy va ushbu mamlakatning milliy qahramoni Ahmad Shoh Massudning tojik zaminida tinchlik va totuvlikka erishish yo‘lidagi hissasini esladi.
Rahmonning ta’kidlashicha, ular Tojikistonda tinchlik o‘rnatish uchun vositachilar sifatida harakat qilishgan, natijada muzokaralar jarayonida burilish sodir bo‘lib, tojik olami taqdiri hal qilingan.
“Keyin Afg‘onistonning taniqli shaxslari o‘zlarining vazifalarini, birodarlik va yaxshi qo‘shnichilik vazifalarini yuqori darajada bajardilar va biz ularning yaxshi ishlarini doimo qadrlaymiz”, — dedi Rahmon.
Xavfsizlikmi yoki sarmoya? Afg‘oniston hamda Markaziy va Janubiy Osiyoni qanday birlashtirish kerak?
Tojikiston rahbari afg‘on zaminida tinchlik o‘rnatilishiga umid bildirdi.
“Men afg‘on xalqining ushbu og‘ir kunlari abadiy qolmasligini ishonch bilan e’lon qilaman va oxir-oqibat Afg‘onistonda aql-idrok hukm suradi, tinchlik va barqarorlik o‘rnatiladi, biz do‘st davlat bilan davra aloqalarini kuchaytiramiz va kengaytiramiz, degan umiddaman”, - dedi u.