O‘zbekiston va Tojikiston chegarasida joylashgan zastavaga 20 nafar maskali, noma’lum kishilar qurolli hujum uyushtirdi. Bu haqda Tojikiston Milliy xavfsizlik davlat qo‘mitasining Chegara qo‘shinlari matbuot xizmati xabar tarqatgan.
Chegara qo‘shinlari tarqatgan press-relizda aytilishicha, 20 nafar qurollangan noma’lum shaxslar, 6 noyabrga o‘tar kechasi “Sultonobod” chegara otryadi harbiy qismining Ishkoboddagi 4-sonli chegara zastavasiga hujum qilgan. Hujum davomida, ular 5 ta AKM avtomatlarini qo‘lga kiritishdi.
Shundan so‘ng, harbiylarning operatsiyasi natijasida, hujum qilgan shaxslar o‘rab olinadi va 15 tasi yo‘q qilinadi. Qolgan 5 tasi qo‘lga olinadi.
Operatsiya davomida chegara qo‘shinlarining bir nafar askari va bir nafar Tojikiston IIV xodimi ham halok bo‘lgan.
Hozirda voqea joyda tezkor-tergov guruhi tuzilgan bo‘lib, surishtiruv ishlarini olib bormoqda.