O‘zbekiston energetika vaziri Alisher Sultonov Kun.uz nashriga bergan intervyusida O‘zbekiston va Tojikiston Zarafshon daryosida ikki GES qurilishi tafsilotlari haqida gapirdi.
Energetika vazirligi rahbarining so‘zlariga ko‘ra, ob’yektlarni qurish loyihasi ikki bosqichda amalga oshiriladi. Birinchi bosqichda, yiliga o‘rtacha 800 million kVt/soat elektr energiyasi ishlab chiqaruvchi, quvvati 140 MVt va prognoz qiymati 282 million AQSh dollariga teng «Yovon» gidroelektr stansiyasini qurish ishlari bajariladi.
Ikkinchi bosqichda, yiliga o‘rtacha 600 million kilovatt soat elektr energiyasi ishlab chiqaruvchi, quvvati 135 MVtga va prognoz qiymati 270 mln AQSh dollariga teng «Fandaryo» gidroelektr stansiyasini qurish imkoniyati o‘rganib chiqiladi