Tojikistonlik ayollarning 90 foizi erining qahridan qo‘rqadi. Tojikiston Statistika agentligi o‘tkazgan ijtimoiy so‘rov xulosasi mana shunday bo‘ldi.
So‘rovda 15 yoshdan 49 yoshgacha bo‘lgan 10 ming ayol ishtirok etgan. Ularning aososiy qismi erlari noo‘rin rashk va g‘azab qilishlarini bildirganlar.
Mahalliy huquq faollariga ko‘ra, tojikistonlik qizlarning asosiy qismi turmushga chiqquniga qadar otasi yoki akalarining qahr-g‘azabidan qo‘rqib yashaydi, turmushga chiqqanlaridan so‘ng esa bu qo‘rquv hissi yanada kuchayadi.
So‘rovda qatnashgan har uchinchi ayol eri tomonidan kaltaklangani yoki jinsiy zo‘rlanganini ma’lum qilgan.
"International Alert" xalqaro tashkilotining tadqiqotlarida qayd etilishicha, erkaklarning ko‘pchiligi xotinlarini kaltaklash, so‘kish va ajrashib ketish bilan tahdid qilish orqali “tarbiyalash mumkinligi”ga ishonadi.