1 oktabr kuni Tokio fond birjasi (Tokyo Stock Exchange - TSE) uzilishlar sababli bir kunlik savdolarini to‘xtatdi. Bu haqda birjaga egalik qiluvchi Japan Exchange Group (JPX) xabar bermoqda. 

Birjada qachon savdolar qayta boshlanishi ma’lum emas. Muvaffaqiyatsizlik bozor ma’lumotlarini yetkazib berish bilan bog‘liq edi, deb tushuntirdi JPX. TSE'dan tashqari, Sapporo, Nagoya va Fukuokadagi birjalar savdolarni to‘xtatdi.

Bloomberg ma’lumotlariga ko‘ra, TSE'da xakerlik hujumi alomatlari topilmagan. 

Qimmatli qog‘ozlar bozorining qulashi 2005 yildagi eng katta hodisa bo‘lgan edi, o‘shanda tizim yangilanishi muvaffaqiyatsizligi sababli savdolar to‘rt yarim soatga to‘xtatilgan.

Savdolarning to‘xtatilishi, ehtimol Yaponiyaning bozor tizimiga bo‘lgan investorlarning ishonchiga ta’sir qilishi mumkin, deydi Bloomberg. Mintaqadagi boshqa yirik bozorlar - Xitoy, Tayvan, Gonkong va Janubiy Koreyaning kuzgi ta’tilga chiqishi bilan investorlarning fikri ham pasayadi.

Yaponiya fond bozori dunyoda AQSh va Xitoydan keyin uchinchi o‘rinda turadi. Bloomberg yozishicha, TSE o‘tgan yil davomida kunlik aylanmasi o‘rtacha 22 milliard dollarni tashkil etgan 2167 kompaniyaning aksiyalarini kotirovka qilingan.