«Tolibon» harakati vakili Afg‘onistonda yangi boshqaruv tizimi joriy etilishini e’lon qildi. Bu haqda Reuters agentligi ma’lum qildi.

«Tolibon» harakatining yuridik, diniy va tashqi siyosat ekspertlari yaqin bir necha hafta ichida boshqaruvning yangi tuzilmasini taqdim etish niyatida», — deydi manba.

Unga ko‘ra, boshqaruvning yangi shakli butun aholining huquqlarini himoya qilishga qaratilgan bo‘ladi.

20 avgustda «Tolibon» vakili Afg‘onistonda yangi konstitutsiya paydo bo‘lishini, bu mamlakatda favqulodda vaziyat yuzaga kelganda zarurligini aytgandi. Uning so‘zlariga ko‘ra, ayni paytda odamlarning ehtiyojlarini qondirish, bo‘shliqni bartaraf etish va shundan keyingina boshqa qadamlarni qo‘yish kerak.

19 avgust kuni BMT bosh kotibi Antoniu Guterrish Afg‘oniston kelajagi borasida «Tolibon» rahbariyati bilan shaxsan muloqot qilmaganini, lekin bunga tayyor ekanligini ma’lum qilgan.

Uning ta’kidlashicha, «jahon hamjamiyati «Tolibon» bilan muzokaralarda birdam bo‘lishi va umumiy front sifatida harakat qilishi kerak». Bundan tashqari, Guterrish Afg‘onistonda inklyuziv hukumat tuzishga umid qilayotganini aytgan.

16 avgustda BMT Xavfsizlik Kengashi ham jangovar harakatlarni zudlik bilan to‘xtatib, Afg‘onistonda yangi inklyuziv hukumat tuzishga chaqirgan. Ikkinchisi ayollarning to‘liq, teng va mazmunli ishtirokini nazarda tutadi.