"Tolibon" jangarilari poytaxt Qobulga ham kirgan. Ashraf G‘ani iste’foga chiqdi. Bu haqda  xorijiy OAVlar ma’lum qilmoqda. Bu xabarlarni Afg‘oniston Ichki ishlar vazirligi ham rasman tasdiqlagan. Xabarlarga ko‘ra, toliblar shaharga har tomondan oqib kelishmoqda.

Afg‘oniston parlamenti raisi va ko‘plab hukumat amaldorlari Qobuldan Pokiston tomon yo‘l olishgan.

Afg‘onistonning sobiq ichki ishlar vaziri va Germaniyadagi sobiq elchisi Ali Ahmad Jalali Afg‘onistonning o‘tish davri hukumati rahbari etib tayinlangan.