8 iyul kuni Rossiya prezidentining Afg‘oniston bo‘yicha maxsus vakili Zamir Kabulov “Tolibon” harakatining siyosiy ofisi delegatsiyasi bilan uchrashdi. Bu haqda Rossiya TIV Matbuot xizmati xabar berdi.  

Uchrashuvda Rossiya Afg‘onistonning shimolidagi vaziyat izdan chiqqanidan xavotirini bildirib, keskinlik mamlakat tashqarisiga tarqalishiga yo‘l qo‘ymaslikka chaqirdi. 

“Tolibon” Markaziy Osiyo davlatlari chegarasi buzilmasligiga, Afg‘oniston hududida xorij davlatlarining diplomatik va konsullik vakolatxonalari xavfsizligi bo‘yicha kafolat berdi.

Uchrashuvda Afg‘onistonda IShIDga qarshi kurashish va fuqarolik urushi tugaganidan keyin giyohvand moddalar ishlab chiqarishni butunlay yo‘q qilinishi ta’kidlandi.