Qozog‘iston prezidenti Qasim-Jomart Toqayev mamlakatdagi mavjud vaziyat yuzasidan bayonot berdi. Bu haqda “Grom24” nashri yozgan.
– Hurmatli vatandoshlar, sizlarni yana bir bor ehtiyotkorlikka, ichki va tashqi ig‘voga uchmaslikka, mitingbozlikka yo‘l qo‘ymaslikka chaqiraman. Davlat idoralariga, fuqarolik va harbiy inshootlarga hujum qilish da’vati mutlaqo noqonuniy. Bu qat’iy jazolanadigan jinoyat. Bizga ziddiyat emas, balki o‘zaro ishonch kerak.
Men yoshlarga murojaat qilaman! Hayot yo‘lingizni buzmang, yaqinlaringiz hayotini zaharlamang.
Siz tomondan kelib tushgan barcha qonuniy so‘rov va talablar diqqat bilan ko‘rib chiqilib, tegishli qarorlar qabul qilinadi. Ertaga ushbu masalalar bo‘yicha ishchi uchrashuv bo‘lib o‘tadi.
Men sizning hushyorligingizga umid qilaman. Garovda xalqning farovonligi, mamlakatimizning zamonaviy dunyoda tutgan o‘rni turibdi.