Marhamat tumanidagi «Alitepa» mahalla fuqarolar yig‘inida  «Marhamat metan gaz» MChJ tomonidan tashkil etilgan toshdan qog‘oz va karton ishlab chiqarish korxonasi ishga tushirildi. Bu haqda viloyat matbuot xizmati xabar bermoqda.

«Marhamat metan gaz» MChJga qarashli mazkur korxonaning loyihaviy qiymati 70 mlrd 56 mln so‘mni tashkil etadi.  Korxona qurilishida tadbirkor Obidov Qobiljon o‘z hisobidan 45 mlrd 360 mln so‘m, Mikrokreditbanki tomonidan esa 2 mln 500 ming AQSh dollari miqdorida kredit ajratildi.
Mazkur korxona yiliga 6.6 mln dollarlik 6 ming tonna mahsulot ishlab chiqarish quvvatiga ega bo‘lib, yiliga 1.7 mln dollarlik eksportni amalga oshiradi. Yaratilgan ish o‘rni 400 nafarni tashkil etadi.