Alisher Navoiy nomidagi Toshkent davlat o‘zbek tili va adabiyoti universiteti 19 apreldan noma’lum muddatga onlayn ta’limga o‘tkazildi. Bu haqda «Bugun.uz» ma’lum qildi.
Unga ko‘ra, universitet professor-o‘qituvchilarining 5 nafarida koronavirus aniqlangan. Shuningdek, talabalari orasida ham bunday holatlar aniqlangani sababli Oliy va o‘rta maxsus ta’lim vazirligi bilan kelishilgan holda 2021 yilning 19 aprel sanasidan boshlab o‘quv jarayoni noma’lum muddatga masofaviy shaklga o‘tkazilgan.
Epidemiologik vaziyat barqarorlashgach, an’anaviy o‘quv jarayoniga qaytish borasida qo‘shimcha xabar berilishi ta’kidlangan.
Avvalroq O‘zbekiston Jurnalistika va ommaviy kommunikatsiyalar universiteti karantinga yopilgani xabar qilingandi.