Toshkent hayvonot bog‘i bugun, 19 martdan boshlab koronavirus sababli vaqtinchalik o‘z eshiklarini yopdi. Bu haqda hayvonot bog‘ining rasmiy saytida ma’lum qilindi.
“Bizlar bu qarorga sizlarni ehtiyot qilish uchun keldik. Jonivorlarning ahvolidan esa xavotirlanishga o‘rin yo‘q. Zoologlar va mutaxassislar o‘z ishlarini davom ettirishadi”, deyiladi xabarda.
Shuningdek, hayvonot bog‘ining ochilishi haqida rasmiy saytda va ijtimoiy tarmoqlar orqali xabar berilishi ma’lum qilindi.