Toshkent shahar hokimligi Mustaqilligimizning 30 yilligiga bag‘ishlab barpo etiladigan «Istiqlol» majmuasi loyihasi bo‘yicha tanlov e’lon qildi.
Qayd etilishicha, majmuani barpo etish joyi sifatida Sharof Rashidov, Islom Karimov va Afrosiyob ko‘chalari oralig‘ida, Markaziy univermag (SUM) qarshisidagi «sayilgoh», «Moviy gumbazlar» oshxonasi joylashgan hudud tanlangan.
Tanlov g‘olib (lar)i joriy yil 15 mart kuni quyidagi tartibda taqdirlanadi:
- I-o‘rin sohibiga birato‘la to‘lab beriladigan 300 mln so‘m pul mukofoti va Hukumat nomidan rasmiy tabriknoma;
- II-o‘rin sohibiga birato‘la to‘lab beriladigan 200 mln so‘m pul mukofoti va Hukumat nomidan rasmiy tashakkurnoma;
- III-o‘rin sohibiga birato‘la to‘lab beriladigan 100 mln so‘m pul mukofoti.