Bugun Toshkent shahrining markaziy ko‘chalari bo‘ylab havaskor velosipedchilar o‘rtasida velomarafon bo‘lib o‘tdi. “Humo arena” muz saroyi hududidan start olgan tadbir havaskor va professional velosiped haydovchilarini bir yerga jamladi.
8 km masofaga harakatlanishni amalga oshirgan ishtirokchilar orasida yigit va qizlar bilan bir qatorda yoshi ulug‘ sport ixlosmandlarini ham ko‘rish mumkin bo‘ldi.
400 nafar ishtirokchilar orasida 10 daqiqa ichida birinchilar qatorida yetib kelgan Nikolay Ilin erkaklar o‘rtasida birinchi va Svetlana Isayeva ayollar orasida yetakchilikni qo‘lga kiritdi. G‘oliblar esdalik sovg‘alari bilan taqdirlandilar.
Avvalroq, Toshkentda 14:30 dan 16:00 gacha velomarafon o‘tkazilishi munosabati bilan ba’zi ko‘chalarning bir qismi transport vositalari uchun vaqtincha yopilishini ma’lum qilgan edik.