«Toshkent metropoliteni» yangi metro stansiyalariga nomlar qo‘yilmaganining sababini ma’lum qildi.Ma’lum qilinishicha, yangi qurilgan stansiyalarga nom berish jarayonida «Toshkent metropoliteni» UK umuman ishtirok etmayapti.

«Ushbu masala Geografik ob’yektlarni nomlash va qayta nomlash masalalari bo‘yicha Toshkent shahar komissiyasi vakolatiga kiradi. Bundan tashqari, loyihada ko‘zda tutilgan istiqbolli qurilish to‘liq amalga oshirilmagan. Rejalashtirilgan metro stansiyalardan bugungi kunga qadar yettita qurilgan stansiya foydalanishga topshirildi», — deyiladi xabarda.Shuningdek, «Toshkent metropoliteni» UK mutaxassislari tomonidan metroda adashmaslik hamda yo‘lovchilarga yanada qulaylik yaratish maqsadida metrodagi yo‘nalish chizmalari, turli ko‘rsatgichlar va boshqa navigatsiya ko‘rinishlari bosqichma-bosqich yangilash ishlari olib borilayotganini ma’lum qilingan.