Moliya vaziri Timur Ishmetov Toshkent besh tashabbus harakati doirasidagi yoshlar bilan uchrashuv o‘tkazdi.
«Xalq so‘zi»ning xabar berishicha, uchrashuvda yoshlardan biri ko‘pgina ta’lim muassasalari o‘z sohasi bo‘yicha vazirliklar tasarrufiga berilgani va qachon Toshkent moliya instituti ham Moliya vazirligiga o‘tishi mumkinligi haqida so‘ragan.
«Bunga qarshiligimiz yo‘q, Oliy va o‘rta maxsus ta’lim vazirligi bilan gaplashib ko‘ramiz. Qiyin tomoni vazir sifatida qarshi bo‘lmasligim mumkin, lekin Moliya vazirligi o‘quv jarayoniga javob beradigan idora emas, vazifasi boshqa. Buning to‘g‘ri yoki noto‘g‘riligi haqida javob bera olmayman, ta’lim sohasi mutaxassisi emasman. Bu masalani o‘ylab, Oliy va o‘rta maxsus ta’lim vazirligi bilan maslahatlashib ko‘ramiz", dedi Ishmetov.