Toshkent shahar hokimligi jurnalist, bloger va barcha fuqarolarga murojaat qilib, kuz-qish mavsumidan oldin hal qilinishi kerak bo‘lgan muammolarni ko‘proq yoritishni so‘radi:
"Jurnalist, bloger va shahrimizning barcha fuqarolari diqqatiga!
Toshkent shahridagi kommunal sohaga daxldor xizmatlar tomonidan kuzgi-qishki mavsumni betalofot o‘tkazishga qizg‘in tayyorgarlik ko‘rilmoqda.
Shunga qaramay, hokimlik va mas’ul tashkilotlarning e’tiboridan chetda qolgan holatlar bo‘lishi mumkin. Agar siz kuz-qish mavsumidan oldin hal qilinishi kerak bo‘lgan biror muammoni aniqlasangiz, Toshkent shahar hokimligining Feysbuk sahifasi orqali xabar berishingizni yoki bu haqidagi ma’lumotni ijtimoiy tarmoqlardagi sahifalaringiz / kanallaringizga joylashtirishingizni so‘raymiz.
Bu bilan shahardagi kommunal xizmat ko‘rsatuvchi korxonalarga tizimdagi muammolarni o‘z vaqtida aniqlab, bartaraf etish masalasida sezilarli yordam bergan bo‘lasiz" deyiladi hokimlik xabarida.