28 aprel kun davomida poytaxtimizda kuchli shamol kutilmoqda, 12-17m/s. Bu esa o‘z navbatida daraxt va ularning shoxlarini sinishiga sabab bo‘lib, uning ostida va yaqinida turgan avtomobillarga zarar yetkazishi mumkin.
Toshket shahar hokimligi shu sababli avtomobillaringizni daraxtlardan uzoqroq, xavfsiz joyga qo‘yishingizni iltimos qilmoqda.
Shuningdek, Toshkent shahar IIBB ham mulkingizga ziyon yetishini oldini olish uchun daraxtlar tagida va reklama ustunlari yaqinida qoldirgan avtomobillaringizni xavfsizroq joyga qo‘yishingizni so‘radi.
"Derazalarni mahkam yoping. Tashqi tokchadan gultuvaklar va boshqa buyumlarni olishingizni tavsiya etamiz. Elektr bilan bog‘liq uzilishlar yuzaga kelgan taqdirda, maishiy elektr uskunalaringizni elektr tarmog‘idan uzib qo‘ying", deyiladi IIBB xabarida.