Toshkent shahrida Sankt-Peterburg davlat universiteti filiali tashkil etiladi

Toshkent shahrida Sankt-Peterburg davlat universiteti filiali tashkil etiladi

Toshkent shahrida Sankt-Peterburg davlat universiteti filiali tashkil etiladi

“Toshkent shahrida “Sankt-Peterburg davlat universiteti” Federal davlat byudjeti oliy ta’lim muassasasi filiali faoliyatini tashkil etish to‘g‘risidagi” Prezident qarori (PQ–4942, 12.01.2021) qabul qilindi. 

Qarorga belgilanishicha, filial:

universitetning alohida tarkibiy bo‘linmasi hisoblanadi;

ta’lim faoliyatini 2021/2022 o‘quv yilidan boshlaydi;

kadrlar tayyorlashni kunduzgi, keyinchalik sirtqi va boshqa ta’lim shaklida olib boradi;

bitiruvchilariga O‘zbekiston Respublikasida oliy ma’lumot to‘g‘risidagi hujjat sifatida tan olinadigan Universitetning belgilangan namunasidagi diplomini beradi;

ta’lim jarayonini rus tilida, keyinchalik boshqa tillarda olib boradi.

Filialga talabalarni o‘qishga qabul qilish davlat granti hamda to‘lov-kontrakt asosida amalga oshiriladi. Bunda, davlat granti asosida ta’lim olgan filial bitiruvchilari uch yildan kam bo‘lmagan muddatga majburiy ishlab berish sharti bilan O‘zbekiston Respublikasining davlat organlari va tashkilotlariga taqsimlanadi;

Qarorga asosan filialda quyidagi bakalavriat ta’lim yo‘nalishlari va magistratura mutaxassislari bo‘yicha kadrlar tayyorlanadi:

1. Filologiya (sharq tillari bo‘yicha);

2. Mamlakatshunoslik va xorijiy mamlakatlar iqtisodiyoti (sharq mamlakatlari bo‘yicha);

3. Biotibbiyot (kimyo, fizika, psixologiya va boshqalar).

Izoh berilishicha, bakalavriat ta’lim yo‘nalishlari va magistratura mutaxassislari ro‘yxatiga buyurtmachi tashkilotlar ehtiyojlarini hisobga olib, Sog‘liqni saqlash vazirligi hamda “Sankt-Peterburg davlat universiteti” Federal davlat byudjeti oliy ta’lim muassasasi bilan kelishgan holda Oliy va o‘rta maxsus ta’lim vazirligi tomonidan o‘zgartirish va qo‘shimchalar kiritilishi mumkin.