Toshkent viloyatida 13 yoshli qiz noma’lum gazdan zaharlanib, vafot etdi
13.11.2021 11:12,
84
Toshkent viloyati O‘rta Chirchiq tumanida 3 nafar ayol noma’lum gazdan zaharlandi.
2021 yil 5 noyabr kuni Adolat mahallasi Furqat ko‘chasi 11-uyda yashovchi 55 yoshli A.B., 26 yoshli M.M. va 13 yoshli A.M. noma’lum gazdan zaharlanish baxtsiz hodisasi bilan Nurafshon shahar tibbiyot birlashmasiga qarashli shoshilinch tez yordam bo‘limiga olib kelingan.
Ammo, ertasi kuni 2008 yilda tug‘ilgan A.M. shifoxonada vafot etgan.
O‘rta Chirchiq tuman hokimining qarorida keltirilishicha, tumanda baxtsiz hodisa sodir bo‘lganda uning sabablarini tekshirish bo‘yicha dastlabki zarur choralarni ko‘rish, baxtsiz hodisa sabablarini tekshirish komissiyasi tarkibi tasdiqlandi.