Turkiyaning “Aksa Enerji” kompaniyasi tomonidan Toshkent viloyatida quvvati 240 MVt bo‘lgan bug‘-gaz va quvvati 230 MVt bo‘lgan gaz-porshenli elektr stansiyasini qurish loyihasi amalga oshirilmoqda.
Ob’yektda kurilish-montaj ishlari yakunlanib sozlash va ishga tushirish ishlari bajarilmokda. Kecha 22 dekabr kuni elektr stansiyaning ochiq taqsimlash qurilmasiga ilk kuchlanish berildi. Ayni paytda kurilmaning yordamchi uskunalari ishga tushirilmokda.
Yakin 7-8 kun ichida elektr stansiya O‘zbekistonning yagona elektr tarmog‘iga ulanib, quvvat uzatishni boshlaydi.
Elektr stansiyasi ishga tushirilishi natijasida yiliga 3,9 milliard kilovatt-soat elektr energiyasi ishlab chiqariladi. Ushbu loyihani amalga oshirish hisobiga yiliga 550 million metr kub tabiiy gaz tejalishiga erishiladi.
Eslatib o‘tamiz, ushbu investitsiya loyihasi Prezidentimizning 2020 yilning 13 avgustdagi PQ-4807-son va 2021 yil 4 martdagi PQ-5018-son qarorlariga muvofiq davlat-xususiy sheriklik tamoyillari asosida amalga oshirilmoqda.