Toshkentda “Matiz” poyezd bilan to‘qnashib ketdi
12.02.2020 18:18,
402
2020 yil 7 fevral kuni taxminan soat 6.20 da Mirzo Ulug‘bek tumanida Kichik Halqa avtomobil yo‘lidagi “Salar” temiryo‘l bekati yaqinidagi tartibga solinmagan temir yo‘lni kesib o‘tiladigan joyda yo‘l-transport hodisasi ro‘y berdi. Bu haqda Toshkent shahar IIBB xabar berdi.
“Matiz” avtomobili (davlat raqami 01 H 006961) haydovchisi 66 yoshli Aleksandr A. Oxunboboyev-Chuqursoy yo‘nalishi bo‘ylab harakatlangan mashinist Baxrom R. boshqaruvidagi 3471-sonli poyezdning 2458-sonli elektrovoz bilan to‘qnashgan.
YTH sababi: “Matiz” avtomobili haydovchisi yaqinlashayotgan poyezd yo‘qligiga ishonch hosil qilmasdan va uni o‘tkazib yubormasdan temir yo‘lni kesib o‘tiladigan joyga chiqqan.