Toshkentda 2 nafar «Suvsoz» xodimi zaharli gazlardan bo‘g‘ilib o‘ldi
12.06.2020 14:14,
344
Toshkent shahar Ichki ishlar bosh boshqarmasi Yakkasaroy tumanida sodir bo‘lgan baxtsiz voqea haqida ma’lumot berdi.
Ma’lum qilinishicha, 12 iyun kuni ertalab soat 9.00 atrofida suv ta’minoti tizimida profilaktika ishlarini olib borilgan.
Shu maqsadida, «Suvsoz» DUK xodimlari 1989 yilda tug‘ilgan X. B. va 1988 yilda tug‘ilgan X. N. KXAYda joylashgan Yakkasaroy tumanidagi «Sazanchik» kafesi ro‘parasidagi qudug‘iga tushishdi.
Taxminga ko‘ra, u yerda to‘plangan zaharli gazlar tufayli yuqorida aytilgan fuqarolar bo‘g‘ilib o‘lgan. Ularni qutqarishga harakat qilgan 42 yoshli H.R zaharlanish belgilari bilan kasalxonaga yotqizilgan. Voqea guvohlar tez yordamga xabar bergani aytilmoqda. Hozirda hodisa sabablari o‘rganilmoqda.