"2021 yilning 11 sentyabr kuni taxminan 05:00 larda ayol toza havoda sayr qilayotganida, orqasidan kelayotgan yosh yigit “ey, kampir, seni ushlay, 10 ming beraman", deydi. Ayol undan nari ketishni so‘rasa ham yigit unga tegajog‘lik qiladi. Shundan so‘ng, u ayolni jinsiy a’zolariga teginib, uni turli haqoratli so‘zlar bilan siylardi”, - deyiladi tarqalgan xabarda.

Toshkent shahar IIBB Matbuot xizmatining xabariga ko‘ra, holat yuzasidan Chilonzor tumani IIO FMB Tergov bo‘limi tomonidan gumonlanuvchi 2001 yilda tug‘ilgan A.Z.ga nisbatan JKning 277-moddasi (bezorilik) alomatlari bilan jinoyat ishi qo‘zg‘atilgan.

Hozirda tergov harakatlari olib borilmoqda. Tergov yakuni bo‘yicha qonuniy qaror qabul qilinadi.