2021 yil 12 dekabr kuni taxminan soat 15:00 da Chilonzor tumani Do‘mbirobod chorrahasida 70-son marshrut bo‘yicha harakatlanuvchi «Isuzu» rusumli avtobus haydovchisi hozirgi ma’lumotlarga ko‘ra boshqaruvni bajara olmasdan bir nechta avtomobillar: «Labo», «Spark», «Nexia-3», «Matiz», «Matiz», «Lacetti» va «Nexia-2» avtomobillarning to‘qnashuviga sababchi bo‘lgan.
To‘qnashuv oqibatida avtobus yo‘lovchisi va «Labo» haydovchisiga badan shikastlari yetgan. Ularga tibbiy yordam ko‘rsatildi.
Mazkur holat bo‘yicha Toshkent shahar IIBB xodimlari tomonidan tergov oldi tekshiruvi o‘tkazilmoqda.