Toshkentda fuqaroning uyidan 127 ming dollarni o‘g‘irlab ketgan guruh ushlandi

Toshkentda fuqaroning uyidan 127 ming dollarni o‘g‘irlab ketgan guruh ushlandi

Foto: Milliy gvardiya

Shu yilning 27 avgust kuni taxminan soat 00.30 da Olmazor tumanida bir necha kishi yuzlarini niqob bilan berkitgan holda ochiq qolgan uyga kirishgan. Bu haqda Toshkent shahar IIBB matbuot xizmati xabar bermoqda.

Bosqinchilar o‘tkir buyum bilan qo‘rqitib, u yerdan 127.000 AQSh dollarini o‘g‘irlab ketishgan. Mazkur fakt asosida O‘zbekiston Respublikasi Jinoyat kodeksining 164-moddasi 4-qismi («Bosqinchilik») bo‘yicha jinoiy ish qo‘zg‘atildi.

Jinoyat qidiruv xizmati xodimlari tomonidan ko‘rilgan choralar davomida gumonlanuvchilar – 38 yoshli muqaddam sudlangan Shuhrat N., 24 yoshli muqaddam sudlangan Ergash U., 31 yoshli Shonurmuhammad Sh., 27 yoshli muqaddam sudlangan Sardor S.lar qo‘lga olindi. 22 yoshli muqaddam sudlangan Komiljon U.ni qo‘lga olish choralari ko‘rilmoqda.

Tergov ishlari davom etmoqda.