Toshkentda haydovchi YPX xodimini g‘isht bilan urib, qo‘rqitmoqchi bo‘ldi

Toshkentda haydovchi YPX xodimini g‘isht bilan urib, qo‘rqitmoqchi bo‘ldi

Toshkent viloyatida ‘GAI’ning duxini sindirish bo‘yicha master klass sarlavhali xabarlar tarqaldi. Yo‘l harakati xavfsizligi bosh boshqarmasi holat yuzasidan bayonot berdi.

Xabarga ko‘ra, voqea 31 mart kuni 4R-6 Toshkent–Chimyon avtomobil yo‘lining 17-kilometrida sodir bo‘lgan. Toshkent viloyati Ichki ishlar bosh boshqarmasi YHXB yo‘l-patrul xizmati xodimi A.Abdurahimov haydovchi, 1988 yilda tug‘ilgan A.S. boshqaruvidagi «DAF TE 105 XF» rusumli yuk avtomobilini svetoforning taqiqlovchi qizil chirog‘ida harakatlangani uchun to‘xtatgan va belgilangan tartibda bayonnoma rasmiylashtirgan.

Qayd etilishicha, o‘zaro muloqot vaqtida haydovchi bayonnoma tuzilganidan g‘azablanib, yerdan qo‘liga qattiq jism olib, jism bilan urish niyatida inspektorni qo‘rqitmoqchi bo‘lgan. Holat atrofdagi fuqarolar tomonidan tasvirga olingan va ijtimoiy tarmoqda tarqatilgan. Mazkur holat yuzasidan Toshkent viloyati IIBB YHXB tomonidan surishtiruv harakatlari olib borilmoqda.