18 iyul kuni Toshkentdagi Lor Plus Servis xususiy klinikasiga qo‘lida ikki yoshli bolasi bilan yugurib kelgan ota-onaga zudlik bilan yordam ko‘rsatilib, bolakayning hayoti saqlab qolindi. Bu haqda Facebook’dagi «Potrebitel.uz» guruhida ma’lum qilindi.

Ma’lum bo‘lishicha, bolakay nafas olmay qo‘ygan, yuragi ham to‘xtab qolgan. Bunga qadar ko‘chada ketishayotganida bolakayning tana harorati ko‘tarilib ketib, tutqanoq boshlangan. Nima sababdan bunday bo‘lgani hozircha noma’lum.

Bolakayning ota-onasi yaqin atrofda klinika borligini ko‘rib, o‘sha yerga yugurib borgan. Voqeadan xabar topgan otolaringolog Sergey Tobias yordamga oshiqqan. U uzoq vaqt davomida maxsus vositalarsiz bolakayning yuragini massaj qilgan.

Natijada bolakay yana hayotga qaytgan.