Toshkentda kvartira egalariga yangi turdagi kadarstr pasportlari beriladi

Toshkentda kvartira egalariga yangi turdagi kadarstr pasportlari beriladi

​Toshkent shahrida kvartira egalariga kadastr kitoblari o‘rniga kadarstr pasportlari beriladi, deb xabar qilmoqda O‘zbekiston Yer resurslari, geodeziya, kartografiya va kadastr qo‘mitasi.

Davergeodezkadastr qo‘mitasining 167sonli buyrug‘iga asosan, 16 apreldan boshlab, kvartiralar texnik inventarizatsiyadan va huquq turi davlat ro‘yxatidan o‘tkazilganidan so‘ng, mulkdorlarning murojaatiga asosan – Kvartiraning kadastr pasportlari berila boshlaydi.

Kvartiraning kadastr pasporti – kvartira egasining arizasiga binoan, kadastr yig‘majildi hamda “Binolar, inshootlar va ko‘p yillik daraxtlarga bo‘lgan huquqning davlat ro‘yxatidan o‘tkazilganligi to‘g‘risida guvohnoma” o‘rniga beriladi.

Ushbu yangilik, “kadastr hujjatlarini shakllantirish jarayonini soddalashtirish va muddatini qisqartirish, shuningdek kvartira egalari tomonidan bitimlar tuzishda qulayliklar yaratish maqsadida” amalga oshirilmoqda. Ya’ni – kvartiralarni sotish, sotib olish, egasini o‘zgartirish  jarayonlarini osonlashtirish uchun.

Kvartiraning kadastr pasporti – bu maxsus xavfsizlik belgilari bilan himoyalangan hujat bo‘lib, unda kvartira chizmasi va texnik ko‘rsatgichlari, kadarstr qiymati, mulkdorlar haqidagi ma’lumotlar, ko‘chmas mulkning davlat ro‘yxatidan o‘tkazilganligi haqidagi va boshqa ma’lumotlar qayd etilgan bo‘ladi.

Shuningdek, kadastr pasporti QR-kodga ega bo‘lib, uning yordamida onlayn-tartibda kvartiraning ayni damdagi huquqiy maqomi, texnik ko‘rsatgichlari va ushbu mulkka nisbatan huquqiy cheklovlar bor-yo‘qligini bilib olish mumkin bo‘ladi.

Davergeodezkadastr, kvartira egalarini yoppasiga kadastr pasporti olishga shoshilmaslikni so‘ramoqda. Xabarda aytililishiga ko‘ra,  yangi ko‘rinishdagi Kadastr pasportlari faqat ko‘chmas mulkning egasi o‘zgargan hollarda yoki eski hujjatlar yo‘qolganda beriladi. Oldin berilgan Kadastr kitoblari amal qilishda davom etadi.