25 noyabr kuni poytaxtning Shayxontohur tumanida «Lacetti» «Spark» avtomobili bilan to‘qnashib ketdi. Bu haqda Yo‘l harakati xavfsizligi bosh boshqarmasi matbuot xizmati xabar bermoqda.
Ma’lumotlarga ko‘ra, Shayxontohur tumani Nurafshon ko‘chasida «Lacetti» va «Spark» rusumli avtomashinalar ishtirokida to‘qnashuv sodir bo‘lgan. To‘qnashuv oqibatida ikki fuqaro jabrlangan, ular kasalxonaga yotqizilgan.
Mazkur holat yuzasidan Toshkent shahar IIBB YHXB inspektorlari tomonidan tergovga qadar tekshiruv ishlari olib borilmoqda.