Ijtimoiy tarmoqlarda poytaxtdagi maktablarning birida o‘quvchilar darsga qizil galstukda kelishga majbur qilingani haqida xabarlar tarqaldi. Xabar telegram kanallarda e’lon qilindi.
Shundan so‘ng mazkur mavzuga oydnilik kiritish maqsadida Xalq ta’limi vazirligi matbuot xizmati munosabat bildirdi. Ta’kidlanishicha, Uchtepa tumanidagi 283-sonli maktabning ochilish marosimiga ma’muriyat boshlang‘ich sinf o‘quvchilari qizil kalstukda kelishga, yuqori sinf o‘quvchilari esa ko‘k rangli galstukda kelishga kelishib olgan. Bu ota-onalar bilan bamaslahat qilingani aytilmoqda.
Matbuot xizmati qolgan kunlari o‘quvchilardan galstuk taqish talab qilinmaganini, oq ko‘ylak, to‘q ko‘k shimda kelishi zarurligi aytilganini ta’kidlagan.
Mazkur masalani siyosiy tus bermaslikni so‘raymiz, – deyiladi munosabatda.