Davlat aktivlarini boshqarish agentligi sobiq “O‘zbekenergo” AJ ma’muriy bino inshootlarini yaxlit holda savdoga qo‘yadi. Bu haqda agentlik matbuot xizmati xabar bermoqda.
Toshkent shahri, Mirzo Ulug‘bek tumani, Istiqlol ko‘chasi, 6-uyda joylashgan yaxlit bino-inshootlarning boshlang‘ich narxi 85 012 644 286,1 (85 mlrd.) so‘m.
Ob’yektga kamida 200 o‘rinli zamonaviy mehmonxona, savdo majmuasi hamda ko‘ngilochar xizmat ko‘rsatish markazini barpo etish investitsion majburiyati yuklangan.
Bu yerda mavjud bino va inshootlarni buzish hisobiga belgilangan tartibda yangi binolarni qurishga ruxsat beriladi. Tanlov g‘olibi – tashqi dizayn va qurilish loyihasini Qurilish vazirligi bilan kelishishi lozim. Tanlov "E-ijro Auksion" onlayn savdo maydonchasida bo‘lib o‘tadi.