Bugun, 14 yanvar kuni soat 09:02da Olmazor tumanining Qora-Qamish 3-dahasidagi oziq-ovqat do‘koni yonayotganligi to‘g‘risida tuman FV bo‘limiga xabar kelib tushgan.
Shunga so‘ng, 3ta yong‘in-qutqaruv ekipaji voqea joyiga soat 09:06da yetib borib, yong‘in soat 09:19da qurshab olingan va soat 09:24da bartaraf etilgan.
Hodisa oqibatida do‘konning taxminan 80 kvadrat metr maydonida tomi, shifti va ichki qismi yonib zararlangan.
Qayd etilishicha, hodisa natijasida jabrlangan va halok bo‘lganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.