Ijtimoiy tarmoqlarda IIO xodimi xizmat mashinasida qoidani buzib harakatlanayotgani aks etgan video tarqaldi.
Qayd etilishicha, ushbu videodagi harakatlar o‘rganilib, qoidani chetlab o‘tgan haydovchiga chora ko‘rildi.
"Nahotki patrul avtomobilini boshqarib ketayotgan IIO xodimi quvib o‘tish qoidasini bilmasa?" sarlavhali video mas’ul xodimlar tomonidan o‘rganilib, "Lasetti" rusumli, 01 769VSC davlat raqam belgili avtomobilda qoidalarni chetlab o‘tgan haydovchi Sh.B.ga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 128-moddasi tartibida bayonnoma rasmiylashtirildi",-deya ma’lum qiladi Ichki ishlar vazirligi Yo‘l harakati xavfsizligi Bosh boshqarmasi.
Shu o‘rinda boshqarma barcha haydovchilardan qoidalarga rioya qilishlarini so‘ramoqda.