O‘zbekiston Respublikasi Normativ-huquqiy hujjatlar loyihalari muhokamasi portalida Vazirlar Mahkamasining «Toshkent shahrida muz sporti hamda zamonaviy savdo va xizmat ko‘rsatish ob’yektlari majmuasini qurish ishlarini tashkil etish chora-tadbirlari to‘g‘risida»gi qarori loyihasi muhokama etilmoqda.

Loyihaga ko‘ra, poytaxtimizning Shayxontohur tumani Beruniy shoh ko‘chasida 2020 yil 1 sentyabrga qadar qishki sport turlari (figurali uchish, short-trek, kyorling va boshqa) bo‘yicha musobaqalar o‘tkazish, ko‘rgazmalar hamda forumlar tashkil etishga mo‘ljallangan zamonaviy muz saroyi tashkil qilinadi. Shuningdek, unga tutash hududda 2021 yilning 1 iyuligacha zamonaviy savdo va xizmat ko‘rsatish, ta’lim muassasalari ob’yektlari qurilishi rejalashtirilgan.

Muhokama 18 martga qadar davom etadi.