15 may kuni Toshkent shahri Yakkasaroy tumani Meros mahallasining Zaki Validi ko‘chasida joylashgan 34-uyda yong‘in sodir bo‘ldi, deb xabar berdi FVV YoXBB OAV bilan hamkorlik qilish bo‘linmasi.
Sodir bo‘lgan yong‘inni bartaraf etishga 2 ta yong‘in o‘chirish ekipajlari jalb etilgan.
Yong‘in oqibatida uyning 25 kvadrat metr maydonda ichki qismi va jihozlari yonib zararlangan. Achinarlisi, yong‘inni o‘chirish vaqtida uy egasi 1959 yilda tug‘ilgan fuqaro B.Nning kuygan holdagi jasadi topilgan. Taxmin qilinishicha, yong‘in uy egasining mast holda sigaret chekib uxlab qolishi oqibatida yuzaga kelgan.
Yong‘indan ko‘rilgan moddiy zarar miqdori aniqlanmoqda.