Toshkentdagi Mudofaa vazirligi sport majmuasiga qarashli o‘q otish sporti o‘quv-mashg‘ulotlar bazasining tantanali ochilishida Mudofaa vaziri Bahodir Qurbonov, Jismoniy tarbiya va sport vazirining birinchi o‘rinbosari Ravshan Ermatov, Mudofaa vazirligi sport markazining nomdor sportchilari, O‘zbekiston o‘q otish sporti federatsiyasi vakillari hamda sport faxriylari ishtirok etdi.
Bu haqda vazirlik axborot xizmati xabar berdi.
Mamlakatimizda o‘q otish sporti bilan hozir kunda 3 700 nafarga yaqin o‘g‘il-qiz muntazam shug‘ullanib kelmoqda, shundan 800 nafarga yaqini xotin-qizlardir. Ularga 136 nafar trener o‘q otish sporti sir-asrorlarini o‘rgatib kelayotgan bo‘lsa, yurtimizda mavjud TIRlar, ya’ni o‘q otish majmualari 122 tani tashkil qiladi.