Bugun, 19 mart kuni soat 21:00 dan 20 mart kuni soat 06:00 ga qadar Alisher Navoiy shoh va Labzak ko‘chalarining ayrim qismlari yopiladi. Bu haqda Toshkent shahar hokimligi Matbuot xizmati xabar berdi.

Qayd etilishicha, yo‘l ta’mirlash ishlari olib borilishi tufayli:

•  Alisher Navoiy shoh ko‘chasi Abay ko‘chasi chorrahasidan Sharof Rashidov shoh ko‘chasi chorrahasigacha;

•  Labzak ko‘chasi Alisher Navoiy shoh ko‘chasi bilan kesishmasidan Abdulla Qodiriy ko‘chasi bilan kesishmasigacha bo‘lgan hudud vaqtincha yopiladi.

“Yo‘l ta’mirlash jarayonida haydovchilar aylanma yo‘llardan foydalanishlari mumkin”, deyiladi xabarda.