Internet tarmog‘ida «Shahar bedarvozami. Kim bo‘ldi bular bemalol o‘zgalarni joniga tahdid qilishmoqda» deb nomlangan video tarqaldi. Mazkur holat yuzasidan quyidagilarni Toshkent shahar IIBB rasmiy ma’lumot taqdim qildi.

Ta’kidlanishicha, joriy yilning 31 oktyabr kuni taxminan soat 22.00 larda Bog‘ishamol ko‘chasida bir nechta fuqaro o‘rtasida janjal yuz bergan. Xususan 30 yoshli J.I. va uning tanishlari 30 yoshli M.X., 39 yoshli J.A., 24 yoshli U.R., 37 yoshli X.A., 27 yoshli X.S., 30 yoshli U.D. o‘zaro janjallashgan. Natijada gumonlanuvchilardan biri 30 yoshli J.I. qochmoqchi bo‘lgan «Chevrolet Equinox» rusumli (davlat raqami 01 U 245 MB) avtomobilga zarar yetkazgan.

Mazkur holat yuzasidan Yunusobod tumani IIO FMB tergov bo‘limi tomonidan O‘zbekiston Respublikasi Jinoyat kodeksining 277-moddasi 2-qismi «b» va «v» bandlari bilan jinoyat ishi qo‘zg‘atilgan. Tergov davom etmoqda, deyiladi xabarda.