Avvalroq, Shayxontohur tumani «Ganga» avtomobil ko‘prigida bir nechta mashinalar to‘qnashgani haqida xabarlar tarqalgan edi. Ushbu yo‘l-transport hodisasi ro‘y berganligi haqidagi Internet tarmog‘ida tarqalgan xabarlar bo‘yicha Toshkent shahar Ichki ishlar bosh boshqarmasi quyidagilar ma’lum qildi.

"2 iyun kuni soat 19:00 da Sebzor va Abdulla Qodiriy ko‘chalari kesishmasidagi «Ganga» avtomobil ko‘prigida aniqlanmagan “Cobalt” avtomobili keskin to‘xtagani sababli yetti nafar birin-ketin harakatlangan avtomobillar masofa saqlamaganliklari tufayli to‘qnashdi, ya’ni:

• 1) 38 yoshli Otabek N. boshqaruvidagi Lacetti avtomobili;
• 2) 28 yoshli Azizjon M. Boshqargan Spark avtomobili;
• 3) 24 yoshli Shohruh boshqaruvidagi Nexia avtomobili;
• 4) 43 yoshli Turkiya fuqarosi Byulent T. boshqaruvidagi Lacetti avtomobili;
• 5) 34 yoshli Zafar M. boshqaruvidagi Lacetti avtomobili;
• 6) 25 yoshli Sobitjon E. boshqargan Toyota avtomobili;
• 7) 29 yoshli Sirojiddin T. boshqargan Malibu avtomobili;

YTH natijasida hech kim jabr ko‘rmadi. Yo‘l-transport hodisasining barcha ishtirokchilariga nisbatan ma’muriy bayonnomalar rasmiylashtirildi"- deyiladi IIBB axborotida.