2020 yil 4 sentyabr kuni taxminan soat 11.00 da Shayxontohur tumani Shofayiz ko‘chasida boshqa shaxsga tegishli bo‘lgan “Lacetti” rusumli avtomobilni tegishli hujjatlarsiz boshqarib borgan 18 yoshli Bekzod Yu. ikki nafar piyodalarni urib yuborgan.
Natijada u boshqaruvni yo‘qotib, qarama qarshi harakat yo‘liga o‘tib 51 yoshli Ma’rufjon K. boshqaruvidagi “Spark” rusumli avtomobilga to‘qnashgan. Bu haqda Toshkent shahar IIBB xabar berdi.
«YTH natijasida piyodalar – 22 yoshli N.M. (K.) va uning ikki yoshli qizi N.K.lar badan shikastlaridan voqea joyida hayotdan ko‘z yumdilar. Marhumalarning yaqinlariga chuqur ta’ziya izhor etamiz. Avtomobil haydovchilari shifoxonaga yetkazildi» - deyiladi IIBB xabarida.
YTH fakti asosida O‘zbekiston Respublikasi Jinoyat kodeksining 266-moddasi 3-qismi («Transport vositalari harakati yoki ulardan foydalanish xavfsizligi qoidalarini buzish») bo‘yicha jinoiy ish qo‘zg‘atildi.