Toshkent shahar Shayxontohur tumanidagi umumiy ovqatlanish shohobchalaridan birida yong‘in kelib chiqdi. Bu haqda Favqulodda vaziyatlar vazirligi axborot xizmati xabar berdi.
Xabarga ko‘ra, hodisa 14 mart kuni soat 20:32 da Shayxontohur tumani Kichik halqa yo‘li ko‘chasi 29-uyda joylashgan «Evos» umumiy ovqatlanish shoxobchasida sodir bo‘lgan. Ma’lum bo‘lishicha, yong‘indan shoxobchaning 10 kvadrat metr maydoni zarar ko‘rgan. Holat yuzasidan Toshkent shahar Favqulodda vaziyatlar boshqarmasining yong‘in-qutqaruv guruhi soat 20:32 da yetib borib, 20:46 da to‘liq bartaraf etgan.
Qayd etilishicha, yong‘indan jabrlangan va halok bo‘lganlar yo‘q. Yong‘inning taxminiy sababi va zarari aniqlanmoqda.