Toshkentda eski shahar tarixiy obidalardagi turizm va savdo zonasiga aylanadi. Bu haqda Shavkat Mirziyoyev ishtirokidagi qator sohalarda amalga oshiriladigan loyihalar taqdimotida aytilgan. Shuningdek, prezident loyihalarni yanada takomillashtirish, aholiga yanada ko‘proq qulayliklar yaratish bo‘yicha tavsiyalar berdi.

Bundan tashqari, Milliy arxivning yangi binosi qurilishi loyihasi muhokama qilindi.

"Milliy arxiv fondi mintaqadagi eng katta va noyob fondlardan biridir. Ayni paytda bu yerda tarixning turli davrlariga oid 1 million 800 ming hujjatlar saqlanmoqda", — deyiladi xabarda.

Arxivning yangi binosi zamonaviy me’moriy yechimlar va ilg‘or talablarni o‘zida mujassam etadi. Qurilish birinchi toifali o‘ta muhim binolar uchun mezon va talablarga muvofiq quriladi. Birinchidan, arxivlarning hajmini 3 million donaga yetkazish, omborxonani tashkil etish, o‘quv zalini kengaytirish, tadqiqotchilarga yuqori darajadagi xizmatni taqdim etish uchun zamonaviy axborot texnologiyalaridan keng foydalanish rejalashtirilgan.