Bugun, 2 iyul kuni soat 9:16 lar atrofida Uchtepa tumani «Ko‘kcha darvoza» MFY hududida joylashgan «Olmos jo‘ja» MChJga qarashli oshxonada yong‘in kelib chiqdi. Bu haqda FVV xabar berdi.
Yong‘in oqibatida oshxona ichki va tom qismining 30 kv m maydoniga zarar yetgan. Voqea joyiga 4 ta yong‘in-qutqaruv ekipaji yetib borgan. Qutqaruvchilarning o‘z vaqtida amalga oshirgan sa’y-harakatlari natijasida yong‘in soat 9:36 lar atrofida to‘liq bartaraf etilgan.
Shuningdek, FVV yurtdoshlarimizdan yong‘in xavfsizligi qoidalariga qat’iy amal qilishlarini so‘ragan.