AQSh prezidenti Donald Trampning ta’kidlashicha, oktyabr oyida AQShda koronavirusga qarshi vaksinani keng tarqatish boshlanadi. Taxminlarga ko‘ra, yil oxiriga qadar 100 million dozada vaksina ishlab chiqariladi.

«Biz vaksinani juda xavfsiz va samarali tarzda etkazib berish va tarqatish yo‘lida turibmiz. Biz buni oktyabr oyi atrofida boshlashimiz mumkin deb o‘ylaymiz», - dedi janob Tramp matbuot anjumani paytida.

Unga ko‘ra, oktyabr oyining o‘rtalarida yoki undan keyin bo‘ladi. Davlat rahbari salbiy ssenariy bo‘lsa, emlash faqat noyabrda yoki "o‘ta og‘ir holatlarda, dekabrda" boshlanishini istisno etmadi.

Janob Tramp COVID-19 vaksinasi 2021 yilning ikkinchi yarmida umum foydalanadigan darajada bo‘ladi degan tushunchani noto‘g‘ri deb atadi. Bunday fikr avvalroq AQSh Kasalliklarni nazorat qilish va oldini olish markazining direktori Robert Redfild tomonidan aytilgan edi. Prezident Amerika Qo‘shma Shtatlari vaksinada boshqa mamlakatlarga yordam berishiga umid qilmoqda.

Koronavirus operatsion guruhida bo‘lgan Prezident maslahatchisi Skot Atlasning aytishicha, emlash amerikaliklar uchun "deyarli bepul" bo‘ladi. Uning hisob-kitoblariga ko‘ra, vaksina 2021 yil yanvaridan kechiktirmay ma’qullanadi.