Amerika Qo‘shma Shtatlari prezidenti Donald Trampning aytishicha, AQSh harbiy kuchlari amaliyoti davomida "Al-Qoida" terrorchilik tashkiloti sobiq rahbari Usama ben Ladenning o‘g‘li Hamza yo‘q qilindi. Bu haqda AQSh prezidenti bayonot berdi.
Uning so‘zlariga ko‘ra, Hamza Ben Laden AQSh kuchlari Pokiston va Afg‘onistonda amalga oshirgan aksilterror amaliyoti chog‘ida o‘ldirildi.
Hamzaning o‘ldirilgani haqidagi xabar 2019 yilning yozida tarqalgan edi. Lekin Qo‘shma Shtatlar bu ma’lumotni rasman tasdiqlamagandi.