AQSh prezidenti Donald Tramp, Germaniya Rossiyaga energiya uchun milliardlab dollar to‘layotgan bir vaqtda AQSh Berlinni Moskvadan himoya qilishi kerakligi haqida tashvishini bildirdi.

"Germaniya Rossiyaga energiya uchun yiliga milliardlab dollar to‘laydi va biz Germaniyani Rossiyadan himoya qilishimiz kerak. Nima uchun?

Bundan tashqari, Germaniya NATOga to‘laydigan 2 foizlik badali to‘lovini kechiktirmoqda. Shuning uchun biz ushbu mamlakatdan ba’zi qo‘shinlarni olib chiqmoqdamiz ", - deb yozdi janob Tramp Tvitter sahifasida.

Germany pays Russia billions of dollars a year for Energy, and we are supposed to protect Germany from Russia. What’s that all about? Also, Germany is very delinquent in their 2% fee to NATO. We are therefore moving some troops out of Germany!

— Donald J. Trump (@realDonaldTrump) July 29, 2020

RIA Novosti xabariga ko‘ra, oldinroq Pentagon rahbari Mark Esper Germaniyaning qariyb 12 ming AQSh harbiy kuchlari Germaniyadan olib chiqilishini aytdi, ularning katta qismi (6,4 ming) uyiga, qolganlari esa Yevropadagi NATO mamlakatlariga, jumladan Italiya va Belgiyaga yuboriladi. 

AQShning Yevropadagi qo‘shinlari shtab-kvartirasini Germaniyadan Belgiyaning Mons shahriga ko‘chirish rejalashtirilmoqda, bu haqda Yevropadagi AQSh kuchlari qo‘mondoni va NATOning Yevropadagi birlashgan kuchlarining oliy qo‘mondoni general Tod Uolters ma’lum qildi. Hozirgi kunda Mons NATOning Yevropadagi ittifoqchi kuchlari Oliy qo‘mondoni qarorgohi hisoblanadi.